Екібастұзда құбыр жарылып, 10 жастағы бала күйіп қалды: қылмыстық іс қозғалды

Әлеуметтік желіде Павлодарда 8 желтоқсанда М.Жүсіп көшесі, 109 мекенжайында ер баланың күйіп қалғаны туралы хабар тарады. Ұл бала далада доп ойнаған кезде су атқылап, жарылған құбырдың астына кіріп кеткен, - деп хабарлайды Massaget.kz тілшісі.

"Ұлым далада доп ойнаған кезде су атқылап, жарылған құбырдың астына кіріп кетті", - деп жазды хаттың авторы.

8 желтоқсанда қала тұрғыны сағат 11:13-те диспетчерлік қызметіне жүгінгеннен кейін мамандар оқиға орнына ақауды анықтау үшін шыққан. Жылу желісі "Марунич" ЖК тиесілі екені анықталды. 

Кеше зардап шеккен бала травматология бөліміне ауыстырылған.

Посмотреть эту публикацию в Instagram

Публикация от Экибас в Теме 😎 | 𝙊𝙛𝙛𝙞𝙘𝙞𝙖𝙡 ™ (@ekibas_v_teme)

Екібастұз ауруханасы бас дәрігерінің орынбасары Светлана Подзорованың айтуынша, 2014 жылғы бала 8 желтоқсанда сағат 12.45-те аумағы 20 пайыз бірінші, екінші және үшінші деңгейдегі термиялық күйік диагнозымен түскен. 

"Ол далада футбол ойнап жүрген кезде жарақат алған. Бүгінгі таңда баланың жағдайы күйіктен шок алуы салдарынан ауыр деп бағаланады. Жансақтау бөліміне ауыстырылды. Сол жерде үш күн бойы қарқынды ем алды", - деді Светлана Подзорова.

Павлодар облыстық полиция департаменті бұл оқиғадан кейін қылмыстық іс қозғады.

"Тұтынушылардың өмірі мен денсаулығының қауіпсіздігіне қойылатын талаптарға сай келмейтін, абайсызда адам денсаулығына зиян келтірген жұмыстарды орындау немесе қызметтерді көрсету бойынша қылмыстық іс қозғалды. Оқиғаның мән-жайы мен себептері тергеу барысында анықталады", - делінген хабарламада.

Instagram парақшамызға жазылып, ең қызықты ақпараттарды бірінші болып оқыңыз!