Екі рет көлік қаға жаздаған: Павлодарда оқушы таңғаларлық жағдайда аман қалды

Павлодарда оқушыны екі рет көлік қағып кете жаздаған, - деп хабарлайды Massaget.kz тілшісі Полиция департаментінің баспасөз қызметіне сілтеме жасап.

Видеолардың бірінде жүргізушілердің жол қозғалысы ережелерін бұзу дерегі тіркелген. Екі жүргізуші реттелмеген жаяу жүргіншілер жолынан өтіп бара жатқан кәмелетке толмаған қызды жолдан өткізбеген, алайда қыз екі рет көлік қағуынан аман қалды.

"Жаяу жүргіншіге мүмкіндік бермегені үшін Hyundai Accent көлігінің 36 жастағы жүргізушісі және Volkswagen Touran көлігінің 56 жастағы жүргізушісі ҚР Әкiмшiлiк құқықбұзушылық туралы кодексінің 600-бабы 1-бөлігі бойынша әкімшілік жауапкершілікке тартылды. Әрқайсына 10 АЕК мөлшерінде айыппұл салынды", - делінген полиция хабарламасында.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!