Екі өңірде аязда жоғалып кеткен малшылар табылды

Қазақстан ТЖМ құтқарушылары жоғалған малшыларды тапты, - деп хабарлайды Massaget.kz тілшісі.

Кеше, 22 желтоқсанда Жетісу облысы Панфилов ауданы Сарыбел ауылының шетінде 1980 жылы туылған ер адам мал бағуға шығып, қайтып оралмаған. Алаңдаған туыстары құтқарушылардың көмегіне жүгінді.

Іздестіру тобы жоғалған адамды Сарыбел ауылынан 5 шақырым жерде тапты. Оны жедел жәрдем қызметкерлеріне берді, жағдайы тұрақты.

Сонымен қатар ТЖМ құтқарушылары жоғалған шопандарды тапты. 112 пультіне Ақтөбе облысы Темір ауданы Кеңқияқ ауылына екі адам мал іздеуге автокөлікпен шығып, қайтып оралмағаны туралы хабарлама келіп түсті.

Іздестіру тобы жоғалған азаматтарды Шұбарқұдық ауылынан алыс емес жерде тауып алды. Олар медициналық көмекке мұқтаж болған жоқ.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!