Екі бала терезеден құлап кетті: ТЖМ қазақстандықтарға үндеу жасады
![Екі бала терезеден құлап кетті: ТЖМ қазақстандықтарға үндеу жасады](/userdata/news/news_106910/image_l.png)
Фото:
©️ Tengrinews.kz / Тұрар Қазанғапов
8 мамырда Қазақстанның екі қаласында жарты сағатта 2 бала терезеден құлап кеткен, - деп хабарлайды Massaget.kz тілшісі Төтенше жағдайлар министрлігінің әлеуметтік желідегі парақшасына сілтеме жасап.
ТЖМ мәліметінше, бірінші жағдай Қарағанды облысының Шахтинск қаласында болған. 5 қабатты тұрғын үйдің екінші қабатындағы пәтердің терезесінен екі жасар қыз бала құлап түскен. Жарақат алған бала ауруханаға жатқызылған.
Ал екінші жағдай Семейде болған. Онда 3 жасар қыз бала екінші қабаттағы пәтердің терезесінен құлап, ауыр жағдайда ауруханаға жатқызылған. Екі жағдайда да балалар ересектердің қарауынсыз қалған.
Осыған байланысты ТЖМ қазақстандықтарға ескерту жасады:
- кішкентай балаларды қараусыз қалдырмаңыз;
- ешқашан москит торларына сенбеңіз. Олар құлаудан қорғауға арналмаған;
- балаларға ересектердің қарауынсыз балконға шығуға рұқсат бермеңіз.
Қызықты жаңалықтар мен видеоларды көру үшін TikTok арнамызға жазылыңыз!
А. Жайыққызы