Дзюдошы Әбиба Әбужақынова Азия ойындарының финалында күреседі

Дзюдошы Әбиба Әбужақынова (48 кг дейінгі салмақ) Қытайдың Ханчжоу қаласында өтіп жатқан ХІХ жазғы Азия ойындарының финалына шықты, - деп хабарлайды Massaget.kz тілшісі Спортты дамыту дирекциясына сілтеме жасап.

Отандасымыз жартылай финалда оңтүстіккореялық Ли Хек Енгті жеңді. Әбиба оның алдында алғашқы белдесуінде филиппин спортшысын вазари әдісімен, одан кейін Солтүстік Корея балуанын ұтқан.

Ерлер арасында Мағжан Шәмшадин (60 келі) жартылай финалда оңтүстік кореялық Ли Харимге (2023 жылғы әлем чемпионатының қола жүлдегері) есе жіберді. Енді ол қола медаль үшін күресетін балуанды күтеді.

Сонымен қатар сағат 16:00-де тағы бір отандасымыз Ғалия Тынбаева (52 келі) қола медаль үшін таласады. Ғалия ширек финалда Моңғолия дзюдошысына есе жібергенімен, жұбаныш белдесуінде Ахлия Муминовадан (Тәжікстан) айласын асырды.

Қызықты жаңалықтар мен видеоларды көру үшін TikTok арнамызға жазылыңыз!