Досаев бюджетті 300 теңге бағам бойынша есептеу туралы түсінік берді
![Досаев бюджетті 300 теңге бағам бойынша есептеу туралы түсінік берді](/userdata/news/news_34539/image_l.jpg)
ҚР ұлттық экономика министрі Ерболат Досаев үш жылға арналған бюджетте бағамның неліктен 300 теңгемен қарастырылатынын түсіндірді.
Парламент кулуарында қаржы және бюджет комитетінің отырысынан кейін Досаевқа бағамның неліктен 300 теңгемен қарастырылатыны сұралды (бүгін, мысалы, бағам 308 теңге).
"Біз Ұлттық банкпен бірге ұсынылған бағамды алдық. Себебі құбылмалылық бар. Бағам 308 теңге де, 306 теңге де болды. Біз − Ұлттық банк те, Қаржы министрлігі де, Ұлттық экономика министрлігі де бюджетті есептеуге бір доллар үшін 300 теңгені қарастыру дұрыс деп есептейміз", − деп түсіндірді Досаев.
"Инфляция 2016 жылы біз бұған дейін болжағандай 6-8 пайыз дәлізінде болады. 2017 жылы да 6-8 пайыз. Ал 2020 жылға қарай біртіндеп төмендеп, 3-4 пайыз деңгейінде болады. Біз бұл параметрді өзгерткен жоқпыз. Мұнай өндіру сол көлемде қалды. ЖІӨ өсімі − 2,1 пайыз. Бұл параметрлер қалды", − деді министр.
"Баррельдің құны, біз бұған дейін болжағандай, келесі екі жылда 40 доллар болып қалады, өзгерткен жоқпыз. 2018 жылы 50 доллар болады", − деді Досаев.
Досаевтың айтуынша, салыстыру кестесі бойынша жұмыстар жалғасып жатыр.
Бұған дейін алдағы үш жылға арналған республикалық бюджет теңгенің тұрақсыз бағамына байланысты бекітілмей отырғаны туралы айтылды. Бүгін 17 қарашада отырыс басталмай тұрып Досаев бюджеттің бір доллар үшін 300 теңгелік бағамы бойынша есептелетінін айтты.
Дереккөз: Tengrinews.kz
С. Ерсін