Досаев Ақкенттегі өрттен қаза тапқан әйелдің отбасына көңіл айтты
![Досаев Ақкенттегі өрттен қаза тапқан әйелдің отбасына көңіл айтты](/userdata/news/news_88094/image_l.jpg)
Алматы әкімі Ерболат Досаев Ақкент шағынауданындағы көпқабатты үйде шыққан өрттен қаза тапқан әйелдің отбасына көңіл айтты, - деп хабарлайды Massaget.kz тілшісі.
"Қайрат Жармұхамедұлы мен Жұмагүл Жұмашқызы, сіздердің қайғыларыңызға ортақтасып, көңіл айтамын! Әселдің өмірден мезгілсіз өтуі сіздер үшін ғана емес, барлық алматылықтар үшін орны толмас ауыр қайғы. Туған баласынан айырылу ата-ана үшін өте ауыр. Орны толмас ауыр қазада сіздерге сабыр мен төзімділік тілеймін. Сіздердің қыздарыңыз, Әселдің әпкесі Айжанның тезірек сауығып кетуін тілеймін. Оның толық сауығуы үшін барлық қажетті медициналық көмек көрсетіледі", - делінген Алматы әкімі Ерболат Досаевтың көңіл айту хатында.
Еске салайық, Алматының Ақкент шағынауданындағы көпқабатты үйден шыққан өрттен зардап шеккен бір әйел қайтыс болған еді.
Аптаның басты оқиғалары мен пайдалы видеоларды көру үшін YouTube арнамызға жазылыңыз
М. Лұқпан