Домбыра күнінде пойыздағы жолаушыларды құттықтаған жас таланттар жұртты тәнті етті

Домбыра күнінде пойыздағы жолаушыларды құттықтаған жас таланттар жұртты тәнті етті, - деп хабарлайды Massaget.kz тілшісі.

ҚТЖ баспасөз қызметі мәліметінше, талантты жас домбырашылар Екібастұз - Алматы бағытындағы №31 пойызының жолаушыларын өнерімен таңғалдырған.

Балалар Екібастұз қаласындағы "Тұмар" ансамблінің мүшелері, мереке күндері олар Алматы қаласына музыкалық конкурсқа қатысу үшін бет алған.

"Домбыра күнімен тұспа-тұс келген сапарда жас таланттар қазақстандықтарды қазақ мәдениетінің және ұлттық бірегейліктің ең маңызды символының мерекесімен құттықтауды шешті", - деп жазылған ҚТЖ хабарламасында.

Айта кетейік, Домбыра күні 2018 жылғы 13 маусымда белгіленіп, шілденің бірінші жексенбісінде атап өтіледі.

Instagram парақшамызға жазылып, ең қызықты ақпараттарды бірінші болып оқыңыз!