Доллар 1 теңгеге қымбаттады
![Доллар 1 теңгеге қымбаттады](/userdata/news/news_35683/image_l.jpg)
Фото:
alau.kz
KASE таңғы сессиясында доллар бағамы 344,68 теңгеге тең болды. Айта кетейік, шетел валютасы кеше 343 теңге межесінде еді.
6 қаңтарда таңғы сессиядағы алғашқы келісім 344,6 теңгемен басталды. Ең төменгі баға 344,5 теңге болды. Ал жоғарысы 345 теңгеге дейін жетті. Сессия кезінде сауда көлемі 58,2 миллион доллардан асты. Kurs.kz порталының мәліметіне сүйенсек, ақша айырбастау орындары шетел валютасын 343,5 - 346,7 теңге аралығында саудалап жатыр.
Еске салайық, тарихи антирекорд 2015 жылдың 21 желтоқсанында 349,2 теңгеге дейін жеткен болатын. Келесі күні Ұлттық банк төрағасы Данияр Ақышев баспасөз мәслихатын өткізді. Жиын басталар алдында теңге тұрақтанды, дегенмен бағам кейін қайта өсе бастады
Дереккөз: tengrinews
С. Ерсін