Дмитрий Попко АҚШ-тағы теннис турнирінде жеңімпаз атанды
![Дмитрий Попко АҚШ-тағы теннис турнирінде жеңімпаз атанды](/userdata/news/news_83900/image_l.jpg)
Фото:
Қазақстан теннис федерациясы
Қазақстандық Дмитрий Попко АҚШ-тағы Пенсакола ITF M25 турнирінің жеңімпазы атанды, - деп хабарлайды Massaget.kz тілшісі Қазақстан теннис федерациясына сілтеме жасап.
Әлемнің 419-ракеткасы Попко жарыс барысында бес кездесуін де сәтті өткізді.
Доданың төртінші ракеткасы болып тіркелген қазақстандық теннисші финалда дүниежүзілік рейтингте 923-орында тұрған америкалық Эйден Киммен кездесті. Дмитрий Попко 6:1, 6:4 есебімен айқын басымдықпен жеңіске жетті.
Бұл - Дмитрий Попконың 20-титулы. Айта кетейік, Пенсакола ITF M25 турнирінің жүлде қоры - 25 000 доллар.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан