Дина Төлепберген жаңа каналында кеңестер жариялады

Жақында танымал тележүргізуші, журналист Дина Төлепберген Telegram канал ашып, оқырмандарына кеңес берді, - деп хабарлайды Massaget.kz тілшісі.

"Өзгеріс – бір күндік процесс емес. Шыдамдылық танытып, әр қадамның өз нәтижесін беретініне сену керек. Алдымен өзіңді тереңірек түсініп, қай жерде, қандай жағдайда тұрғаныңды анықтау маңызды. Мақсаттарыңды, қорқыныштарыңды, шектеулеріңді анықта. Нақты, өлшенетін және қол жеткізілетін мақсаттар қою – өзгерістің бірінші нақты қадамы. Әр мақсаттың өзіне сәйкес мерзімі мен нақты әрекеттер тізімі болсын. Өзгерісті жасауда ең маңыздысы – ішкі сенім. Жолда қиындықтар кездесуі мүмкін, бірақ өзіңе сенім артып, әрқашан мақсатқа жету мүмкін екенін білу маңызды. Іс-қимылсыз өзгеріс болмайды. Ең кішкентай қадамдардан бастасаң да, тұрақты әрекет жасай бер. Ең бастысы – алға жылжу. Өмір өзгеріске толы, сондықтан әр жаңа қадамнан, әр қателіктен сабақ алып, бейімделу қажет. Жаңа жағдайларға икемделу арқылы өзгерістің дамуын үзбей, жолыңды жалғастыруға болады. Өзгеріс үнемі ыңғайлы болмайды. Кейде қорқынышты және белгісіз жағдайлардан өту қажет болады. Бірақ тәуекел жасау – табысқа жету жолындағы маңызды қадам", - делінген каналдағы жаңа жазбада. 

Дина Төлепбергеннің айтуынша, оның ақыл-кеңесін цитата етіп қолданатындар көп екен.

Сондықтан журналист әлеуметтік платформада жаңа канал ашуға бел буғанын айтқан болатын. 

Аптаның басты оқиғалары мен пайдалы видеоларды көру үшін YouTube арнамызға жазылыңыз