Димаш Құдайберген қазақстандықтарға қуанышты жаңалығын айтты
![Димаш Құдайберген қазақстандықтарға қуанышты жаңалығын айтты](/userdata/news/news_111292/image_l.png)
Әнші Димаш Құдайберген Астанада концерт бермекші, - деп хабарлайды Massaget.kz тілшісі.
Бұл туралы Қазақстанның халық әртісі Instagram-дағы парақшасында жазды.
"Биыл Астанада 8-14 қыркүйек аралығында V Дүниежүзілік көшпенділер ойындары өткізілмек. Дүниежүзінің 100-ден астам мемлекетінен түрлі сайысқа қатысу үшін 4 мыңнан астам спортшылар келеді деп жоспарланып отыр. Осы әдемі мереке аясында ҚР Мәдениет және ақпарат министрлігінің қолдауымен, "ДимашАли" шығармашылық орталығының ұйымдастыруымен "Астана аренада" менің Stranger атты жеке концертім өтеді", - деп жазды ол.
Әнші билеттер сатылымына қатысты ақпарат жақын күндері жарияланатынын және өзінің ресми аккаунттарыма назар аударып жүруді ескертті.
"Концертте кездесейік, достар!", - деді әнші.
Посмотреть эту публикацию в Instagram
Instagram парақшамызға жазылып, ең қызықты ақпараттарды бірінші болып оқыңыз!
М. Лұқпан