Димаш Құдайберген "Болашақ" бағдарламасы бойынша қайда оқиды?
![Димаш Құдайберген "Болашақ" бағдарламасы бойынша қайда оқиды?](/userdata/news/news_76218/image_l.jpg)
Танымал әнші Димаш Құдайбергеннің "Болашақ" халықаралық стипендиясы бойынша қайда оқитыны белгілі болды, - деп хабарлайды Massaget.kz тілшісі Халықаралық бағдарламалар орталығының баспасөз қызметіне сілтеме жасап.
Димаш Құдайберген "Болашақ" бағдарламасы бойынша Лос-Анджелестегі New York Film Academy-да "Режиссура" мамандығы бойынша тағылымдамадан өтеді.
Бұған дейін Димаш Құдайберген "Болашақ" стипендиясын алғаны белгілі болған еді.
Айта кетейік, қазақстандық режиссер әрі клипмейкер Айсұлтан Сейітов та New York Film Academy-да білім алған.
Еске салайық, 2022 жылдың үшінші легінде шәкіртақы 178 қазақстандыққа берілген. Оның ішінде 78 адам әлемнің үздік жоғары оқу орындарының магистратурасына, 6 адам докторантурасына түсті. 110 стипендиат "Тағылымдама" бағдарламасы бойынша біліктілігін арттырады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек