Депутат бала туған әйелдердің зейнет жасын төмендетуді ұсынды
![Депутат бала туған әйелдердің зейнет жасын төмендетуді ұсынды](/userdata/news/news_76754/image_l.jpg)
Бала туу зейнет жасының азаюына себеп болуы керек. Мұндай ұсынысты Мәжіліс депутаты Аманжан Жамалов айтты, - деп хабарлайды Massaget.kz тілшісі.
Премьер-министр Әлихан Смайыловтың атына депутаттық сұрау салуда депутат өмір сүру ұзақтығының ұлғаюы туралы дәлел енді келтірілмейтінін айтты, себебі кейінгі үш жылда әйелдердің өмір сүру ұзақтығы 77-ден 75,5 жылға дейін, яғни 1,5 жылға төмендеген.
"Қазақстандық әйелдер демалғысы келетіні - табиғи нәрсе. Кеңес заманында әйелдер 5-6 бала өмірге алып келді, ауыр үй жұмысын істеді, өндірісте еңбек етті. Сондықтан ерте зейнетке шығу әйелдер мен аналардың еңбегі үшін әділ өтемақы болды. Қазіргі уақытта әйелдердің жұмыс және тұрмыс жағдайлары өзгерді. Біз гендерлік теңдікке ұмтыламыз. Еңбек және өндіріс жағдайлары жақсарып жатыр. Үй міндеттері тең, жеңіл және қауіпсіз болады. Алайда бір факт өзгеріссіз қалды. Бұл балалардың дүниеге келуі", - деді Жамалов.
Ол орта есеппен қазақстандық әйел өмірінде үш бала туатынын түсіндірді. Бұл қазақстандықтарды жұмыстан кетуге, дағдылары мен құзыреттерін жоғалтуға, мансап пен кәсіби тәжірибесін құрбан етуге мәжбүр етеді. Осы кезеңде олар зейнетақы жарналарын аудармайды, тиісінше зейнетақыларынан айырылады.
"Бұл шығындар, әрине, ерте зейнетке шығу құқығымен өтелуі керек. Бірақ бұл құқық қазіргі жағдайда ескере отырып, әділ және негізделген болуы керек. Бүгінде 53 жасында бес және одан да көп бала туып, асырап алған және оларды сегіз жасқа дейін тәрбиелеген көпбалалы аналар ғана зейнетке шығады. Менің ойымша, Үкімет балалары бар әйелдер үшін зейнеткерлік жасты төмендетуді тұтастай қарастыруы керек. Әр баланың тууы үшін зейнеткерлік жасты 2 жылға, бірақ 10 жылдан аспайтын мерзімге төмендету керек.
Осылайша, үш баланы дүниеге әкелген әйел 6 жыл ерте зейнетке шығуға құқылы болады. Бүгінде әйелдер үшін зейнеткерлік жас бекітілгенін ескерсек, әйелдер 55 жасында зейнетке шығар еді. Егер әйелдердің жалпы зейнеткерлік жасы 63 жасқа дейін өссе, онда ол 57 жасында зейнетке шыға алады. Менің ойымша, бұл әділ шешім болады, біздің әйелдерді қолдайды және ең бастысы тууға себеп болады", - деді депутат.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Сатыбалдина