Денсаулыққа зиян болуы мүмкін: суықта қандай жылытқыш таңдаған дұрыс?
![Денсаулыққа зиян болуы мүмкін: суықта қандай жылытқыш таңдаған дұрыс?](/userdata/news/news_98455/image_l.jpg)
Суық мезгілде көпшілік үйде жайлы температура болғанын қалайды. Сондықтан кейбіреулер қатты суықта жылытқыш пайдаланады. Жылытқыштардың түрлері денсаулыққа әртүрлі әсер етуі мүмкін, өйткені бөлмедегі ауа температурасының өзгеруі адам ағзасына да өз әсерін тигізеді. Сондықтан жылытқышты өте мұқият таңдаған жөн. Осы орайда терапевт Иван Носков маңызды кеңестер берді, - деп хабарлайды Massaget.kz тілшісі doctorpiter.ru-ға сілтеме жасап.
- Жылытқыштардың түрлері
Суық мезгілде адамдардың көпшілігі үй температурасын мүмкіндігінше жайлы ету мақсатында әртүрлі жылытқыш пайдаланады. Бүгінгі таңда мұндай құрылғылардың көптеген нұсқасы бар. Олар механизмі мен дизайнына байланысты бөлінеді.
- Желдеткіш түріндегі жылытқыштар;
- Май жылытқыштар;
- Конвекция;
- Инфрақызыл;
- Галогендер;
- Кварц.
- Басты кемшілігі қандай?
Кез келген жылытқыштың негізгі кемшілігі - ауаны құрғататыны. Олардың көпшілігі ауаның ылғалдылығын төмендетеді. Бұл жағдайда ең бірінші шырышты қабықтар зардап шегеді. Әсіресе, көп жағдайда мұрынның шырышты қабаты кеуіп қалады, сондықтан негізгі қорғаныс функциясын орындауды тоқтатады. Ал бұл қорғаныс қабаты шаң мен микроорганизмдерге тосқауыл ретінде қызмет етеді.
"Осылайша, құрғақ ауаға үйреніп қалған кезде ағзаның аллергияға және суыққа бейімділігі артады, ал көздің шырышты қабығынан конъюнктивит дамуы мүмкін", - деп түсіндірді дәрігер.
- Ең нашар, ең жақсы нұсқа қайсы?
"Ең нашар әсер беретіні - желдеткіш түріндегі жылытқыштар, олар бөлмені жылы ауа айналымына байланысты тез қыздырады, дегенмен құрғатып жібереді. Олар оттегін жағуға қабілетті, бұл қосымша гипооксигенацияға әкеп соғады", - деді Иван Носков.
Ал бұл - адам әлсіз, ұйқышыл, шаршаңқы болатын жағдай.
"Май жылытқыштары мен конвекторлар оттегін күйдірмейді, бұл олардың пайдалы тұсы саналады. Бірақ олар да құрғатып жібереді. Сондықтан жылытқыш қолдансаңыз, үйде ылғалдандырғыш алып, үнемі ылғал ауа алмастырып, бөлмені желдетіп отыру керек", - деп кеңес берді маман.
Дәрігердің сөзінше, инфрақызыл жылытқыш адам үшін ең қауіпсізі саналады.
Маман жылытқыш денсаулыққа зиян тигізбеуі үшін оның уақытын реттеу керек екенін айтты. Сондай-ақ, пайдаланар алдында нұсқаулықпен танысу қажет.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова