Демалыста ауа райы қандай болады?
![Демалыста ауа райы қандай болады?](/userdata/news/news_86654/image_l.jpg)
Синоптиктер 6-8 шілде күндері ауа райы қандай болатыны туралы болжам жасады, - деп хабарлайды Massaget.kz тілшісі.
Метеорологтардың мәліметінше, алдағы мереке күндері республика аумағының басым бөлігінде тұрақсыз ауа райы сақталады. Соған байланысты найзағай ойнап, екпінді жел соғады, 6-7 шілдеде орталықта қатты жаңбыр жауады деп күтіледі.
Оңтүстік-шығыста, 6-8 шілдеде Қазақстанның солтүстігінде, шығысында күндіз бұршақ жаууы мүмкін. Тек еліміздің батысында ауа райы жауын-шашынсыз.
"Батыста, оңтүстікте күндізгі температура 33-42 градус ыстық, республиканың қалған бөлігінде ауа температурасының аздап төмендеуі, солтүстік-батыста және орталықта 22-35 градусқа дейін көтеріледі. Солтүстікте 23-30 градус, шығыста және оңтүстік-шығыста 20-30 градус жылы", - делінген хабарламада.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек