Қазгидромет 10, 11, 12 қазанға арналған ауа райы болжамын жариялады, - деп хабарлайды Massaget.kz тілшісі.
Қай өңірлерде жауын-шашын жауады?
10-11 қазанда оңтүстік-батыста, 11-12 қазанда солтүстік-батыста, солтүстікте, 10, 12 қазанда шығыста, 12 қазанда оңтүстік пен оңтүстік-шығыста жаңбыр жауады деп болжанып отыр.
10 қазанда елдің шығысында жаңбыр мен қар жаууы мүмкін. 10 қазанға қараған түні Шығыс Қазақстан облысында да қатты жауын-шашын (жаңбыр, қар) жауады. 12 қазанда Түркістан облысында да қатты жаңбыр болжанып отыр.
Республика бойынша түнде, таңертең тұман түседі.
Ауа температурасы
Күндіз ауа температурасы жоғарылайды:
- батыста +22+27 градусқа дейін;
- солтүстік-батыста +17+25 градусқа дейін;
- солтүстікте +13+20 градусқа дейін;
- орталықта +13+22 градусқа дейін;
- шығыста +10+22 градусқа дейін;
- оңтүстікте, Қызылорда облысында +23+28 градусқа дейін көтеріледі.
Түркістан облысында ауа температурасы +18+23 градусқа дейін төмендейді. Оңтүстік-шығыста +17+25 градус болады.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова