Қазгидромет 26, 27, 28 қыркүйекке арналған ауа райы болжамын жариялады, - деп хабарлайды Massaget.kz тілшісі.
Алдағы күндері Қазақстанның басым бөлігіне солтүстік-батыстан ығысатын антициклон әсер етеді. Осыған байланысты жауын-шашын жаумайды, ауа температурасы төмендейді.
Қазақстанның батысында, солтүстік-батысында, 27-28 қыркүйекте солтүстігінде, шығысында, оңтүстік-батысында жауын-шашынсыз ауа райы болжанып отыр.
Елдің шығысында, орталығында, оңтүстігінде және оңтүстік-шығысында атмосфералық фронттар өтуіне байланысты жаңбыр жауып, найзағай ойнайды. Түнде Алматы облысының таулы аудандарында жаңбыр, қар жаууы мүмкін.
Солтүстікте, шығыста, 27-28 қыркүйекте еліміздің солтүстік-батысында, орталығында түнде 1-3 градус үсік жүреді.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова