Демалыс күндері ауа райы қандай болады?

Бүгін, 11:26

Фото: depositphotos.com

Қазгидромет 5, 6, 7 қыркүйекке арналған ауа райы болжамын жариялады, - деп хабарлайды Massaget.kz тілшісі.

Алдағы үш тәулікте Қазақстанның басым бөлігінде атмосфералық қысым жоғары болады. Осыған байланысты жауын-шашын жаумайды.

Батыста, оңтүстікте және оңтүстік-шығыста атмосфералық фронттар әсерінен кейбір жерлерде найзағай ойнап, аз уақыт жаңбыр жауып, жел күшеюі мүмкін.

Елдің басым бөлігінде жаздағыдай жылы күндер болжанып отыр. Алайда шығыста, оңтүстік-шығыстың таулы жерлерінде түнде салқын болады.

Күндіз ауа температурасы:

батыста, солтүстікте, орталықта +25…+33 градус;
шығыста +20…+25 градус;
оңтүстікте +28…+37 градус;
оңтүстік-шығыста +20…+30 градус, таулы және тау бөктеріндегі аудандарда +10…+20 градус болады.