Демалыс күндері ауа райы қандай болады?

Қазгидромет 30 сәуір, 1, 2 мамырға арналған ауа райы болжамын жариялады, - деп хабарлайды Massaget.kz тілшісі.

Қазақстанның басым бөлігінде ауа райы құбылмалы болады, жаңбыр жауып, найзағай ойнайды. 30 сәуірде елдің оңтүстік-батысында, солтүстік-батысында, ал 2 мамырда оңтүстігі мен оңтүстік-шығысында қатты жаңбыр жауады. Кей жерлерде бұршақ жауып, жел соғуы мүмкін.

30 сәуірде солтүстік, орталық өңірлерде, сондай-ақ, үш күн бойы шығыста жауын-шашынсыз ауа райы болжанып отыр. Қазақстанның оңтүстігінде шаңды дауыл тұрады.

Республика бойынша түнгі, таңғы уақытта тұман түседі.

Күндіз ауа температурасы біртіндеп көтеріледі:

• оңтүстік-батыста +17…+22 градусқа дейін;
• солтүстік-батыста +13…+25 градусқа дейін;
• шығыста +25…+32 градусқа дейін;
• оңтүстік-шығыста +25…+32 градусқа дейін.

Ал мына өңірлерде ауа температурасы төмендейді:

• батыста +10…+15 градусқа дейін;
• солтүстікте +12…+18 градусқа дейін;
• орталықта +15…+25 градусқа дейін;
• оңтүстікте +18…+23 градусқа дейін.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!