Дәрігер "Титан" экипажының қалай қаза табуы мүмкін екенін түсіндірді
![Дәрігер "Титан" экипажының қалай қаза табуы мүмкін екенін түсіндірді](/userdata/news/news_86207/image_l.jpg)
"Титан" сүңгуір қайығы бортында болған бес адамның қаза тапқаны ресми түрде жарияланды. "Титаникке" барар жолда 4 шақырымдай төмен түскен "Титан" батискафының ішіндегі 5 адамның қалай қаза тапқаны жұмбақ күйінде қалып отыр. Тек бірнеше нұсқа бар. "Титанның" сынықтары "Титаниктің" тұмсығынан 200 метр жерден табылған.
Жексенбі, 18 маусымда жоғалып кеткен экипаждың қаза тапқаны ресми түрде жарияланды. Бортта миллиардер Хамиш Хардинг, Пәкістанның ең бай кәсіпкерлерінің бірі Шахзада Дауд және оның ұлы Сүлейман, зерттеуші Пол-Анри Нарголе және осы сүңгуір қайықтың құрастыратын компанияның негізін қалаушы Стоктон Раш болды.
"Титан" суға батқасын бірнеше сағаттан кейін қаза тапты деген нұсқа бар. АҚШ Әскери-теңіз күштерінің сүңгуір қайықтарды анықтауға арналған өте құпия әскери акустикалық жүйесі бірнеше күн бұрын "Титан" су астындағы жарылыстың дыбысын жазып алған, деп хабарлады The Wall Street Journal (WSJ) АҚШ әскери-теңіз күштерінің жоғары лауазымды қызметкеріне сілтеме жасап.
АҚШ жағалау күзеті "Титанның" экипажы сүңгуір қайықтың жарылуы салдарынан қаза тапқанын айтты. Батискаф су қысымы салдарынан Титаниктен 487 метр жерде мыжылып, жарылып кеткен.
Табылған "Титан" сынықтары, экипаждың бірден қаза тапқанын көрсетеді, деп хабарлады океанолог, Мәскеу мемлекеттік университетінің оқытушысы Сергей Мұхаметов.
Невропатолог, медицина ғылымдарының кандидаты Екатерина Демьяновская Доктор Питерге Титанның бортындағы адамдар не болғанын айтты.
"Тереңдікте қысымды түсіру сәтінде ішке бағытталған күшті жарылыс пайда болады. Бұл іштегі адамдар не болғанын түсінбей, алған жарақаттарынан бірден өледі дегенді білдіреді", - дейді дәрігер Екатерина Демьяновская.
Сонымен бірге ішке бағытталған жарылыстан аман қалған күннің өзінде ксенон аурынан адам қаза табады. Бұл ауру тереңдікте қысымның жер бетіндегіден әлдеқайда жоғары болуына байланысты дамиды. Қысымның күрт өзгеруімен қандағы газ молекулалары көпіршіктер түзеді. Бұл кезде адам бүкіл денесінде ауырсынуды және неврологиялық бұзылыстарды бастан кешіреді, кейде инфаркт, инсульт сияқты асқынулар дамиды.
Гипоксия кезінде не болады?
Егер адамдар жарылыс салдарынан аман қалса да оттегі азая береді, салдарынан гипоксия (оттегі жеткіліксіздігі), содан кейін аноксия (оттегінің критикалық жетіспеушілігі) дамиды. Олар бірте-бірте (бір-екі күн) дамуы мүмкін, бұл жағдайда адамда сананың депрессиясы бар: летаргия, психомоторлы қозу, галлюцинациялар болуы мүмкін. Оттегінің күрт жетіспеушілігімен сана бірнеше минут ішінде жоғалады, конвульсиялық шабуыл дамуы мүмкін.
Айта кетейік, бұған дейін Флорида халықаралық университетінің профессоры Айлин Мария Марти CNN арнасына берген сұхбатында олардың қалай қаза тапқанын айтып берген болатын.
"Құрылғының корпусы жылдам, миллисекундтың аз ғана бөлігінде жарылып кеткен. Мұның бәрі іштегі адамдар батискафта ақау бар екенін түсінбей тұрып болған шығар. Олар қиналмай өмірден өткен", - деді ғалым.
Корпустың қалыңдығы да жеткілікті емес, ол шамамен 13 сантиметрді құрайды. Сарапшылардың пікірінше, 4 км тереңдіктегі қысымға мұндай қалыңдық төтеп бере алмайды. Сонымен бірге 5 экипаждың ешқандай рұқсат құжаты болмаған.
Т. Раушанұлы