Жыл мезгілдерінің ауысуы ағзаны инцекцияларға осал етіп, иммунитеттің әлсіреуіне әкеледі. Ресейлік диеотолог Татьяна Мещерякова аталмыш кезеңде, әсіресе қазан айында денсаулыққа қажет сусын түрлерін атап берді,- деп хабарлайды Massaget.kz тілшісі doctorpiter.ru сайтына сілтеп.
Диетолог күз айларында ағзаға қажет төрт сусынды атап берді. Мещерякова әсіресе қазан айындағы тамақ рационына аталмыш сусындарды қосу керектігін айтты.
Дәмдеуіштер қосылған немесе шөп шай сусыны
Күзде дәмдеуіштердің алар орны орасан. Зімбір, даршын және қалампыр шайлары ағза үшін тиімді келеді. Ал ащы және хош иісті комбинация жылыну әсерін береді, сондықтан салқын мезгілде аса пайдалы. Зімбірде термогенезге әсер ететін тілдің жылу рецепторларына әсер ететін гингерол алкалоидтары бар. Бұл сусынды дайындаған кезде жаңа зімбір тамырын қолданған дұрыс. Сіз бұл сусынды күзгі-қысқы маусымда күні бойы ішсеңіз болады.
Лимон және жаңа піскен жидектер қосылған шай
Лимон теңіз шырғанағы, қарақат, мүкжидек, лингонжидек, калина, шие немесе таңқураймен (жаңа және мұздатылған), сондай-ақ шайға қосылған аз мөлшердегі балмен үйлеседі, жылыну әсерін күшейтеді, тамақтануымызды байытады және дененің босаңсуына көмектеседі.
Бұл сусын витаминдер мен минералдардың бай палитрасына ие: A, C, E, B, K тобы, бета-каротин және т.б. Дәрігер әдеттегі кофе немесе классикалық шайды осы сусынмен ауыстыруды ұсынады.
Алкогольсіз жеміс глинтвейні
Жаңа піскен немесе кептірілген жидектер мен жемістерден (алма, алмұрт, кептірілген өрік, қара өрік, айва) даршын, қалампыр, жұлдызды анис, апельсин немесе лимон қабығы қосылған сусын, кардамон және мейіз) глинтвейн әзірлеп ішсеңіз суық күндері өте пайдалы болады.
«Алкогольсіз жеміс-жидекті глинтвейнді қызу көтерілгенде ішсе де әсері жақсы болады. Сусынды тәулігіне 1-2 порциядан артық емес пайдалану ұсынылады. Аллергиялық реакцияларға бейім немесе асқазан мен ішектің қабыну аурулары бар адамдар сақтықпен ішуі керек» деп қосты диеотолог.
Көкөніс пен жеміс-жидек детоксикациясына арналған сусындар
Мұндай сусын күздің салқын кешінде сізді жылытпаса да, ол жақсы тазарту әсерін береді және денеге жазғы диетадан күзгі диетаға оңай бейімделуге көмектеседі.
Сондай-ақ, детокс сусындарын қарбыздың, қауынның, қиярдың, қызылшаның, сәбіздің целлюлозасы негізінде басқа жемістермен - жеміс-көкөніс шырындары сияқты (су қосып сұйық еткен абзалырақ) бірге дайындауға болады. Сусындардың бұл түрлері лимфа қозғалысын жақсартуға, қан түзу жүйесіне әсер етуге, ішек моторикасын жақсартуға және иммундық жүйені нығайтуға көмектеседі.
Детокс сусындарын диетаға үнемі енгізуге болады (мысалы, аптасына 2-3 рет). Егер сіз неғұрлым айқын әсер алғыңыз келсе, детоксикация сусындарын циклде, 1-ден 7 күнге дейін, бір-екі аптада бір рет ішуге болады, бірақ тек маманмен алдын ала кеңесу арқылы тұтынғаныңыз жөн.
Өзекті жаңалықтарды өз уақытында оқу үшін Facebook парақшамызға жазылыңыз!