Дәрігер диетасыз арықтауға көмектесетін 10 әрекетті атады

Адамдар күнделікті тірліктері арқылы да денсаулығын жақсарта алады. Сізге әдеттегі әрекеттер жүрекке түсетін салмақтан арылуға, диетасыз арықтауға, буындар мен психиканы нығайтуға көмектеседі. Ұлыбританиялық дәрігер Зои Уильямс белсенді және дені сау болу үшін адамдарға көп ақша жұмсаудың қажеті жоқ екенін айтты. Адамдар арнайы спортзалдарға барып дайындалуы мүмкін. Бірақ бұған көбінің уақыты, қаражаты кейде тіпті ниеті болмайды. Сондықтан өзіңіздің фигураңызды, жүрек соғысыңызды, буындарыңыздың саулығын басқа жолмен реттей аласыз. Дәрігер күнделікті әдеттерді саналы түрде жасау арқылы мұндай нәтижеге жетуге болатынын айтты, - деп хабарлайды Massaget.kz тілшісі.

Азық-түлік салынған сөмкені алып жүру

Жақын жердегі дүкеннен азық-түлік сатып алыңыз. Оны екі пакетке бөліп салып екі жағыңызда ұстаңыз. Үйге баяу жүріңіз. Сіз гантельдерді көтергендей, шынтақ буындарында қолыңызды сәл бүгуге болады. Бастысы сөмкенің салмағы ауырлық тудырмауы керек. 

Көлік жуу

Иә, қазір көлік жуу орындары өте көп. Алайда қолайлы ауа-райында көлік жуу денсаулығыңызға пайдалы. Егер сіз барлығын қарқынды түрде жасасаңыз бұл керемет шынығу әрі кардио жаттығу болады. Сонымен қатар сіз қаражатыңызды үнемдейсіз. 

Телефонмен жүріп сөйлесу 

Сіз қаншалықты көп жүрсеңіз, соншалықты пайдалырақ бола түседі. Сондай-ақ теледидар көріп отырғанда аяғыңызды көтерсеңіз болады. Осылайша сіз қан айналымын үдетіп, бұлшықеттерді соза аласыз.

Шайнек қайнап жатқанда ас үйде жүріңіз

Өзіңіз ойлаңызшы күніне қанша рет шай немесе кофе ішесіз? Егер сіз бір орында отырмай түрлі дүниелерді істеп, қарқынды қозғалсаңыз, тіпті секірсеңіз ағзаға үлкен көмек болады.  

Кардио жаттығулар арқылы тамақ пісіріңіз

Мәселен кәстрөлдер мен ыдыстарды шкафтан алу, ингредиенттерді ұсақтау, бір-біріне қосу, араластыру - мұның бәрі қолдың қозғалысын қажет етеді. Тек бұл әрекеттердің бәрін қарқынды жасап көріңіз.

Балалармен ойнау

Балалар секіруді, жүгіруді, жасырынып ойнағанды жақсы көреді. Құр бақылаушы болмауға тырысыңыз және балалармен бірге ойынға қосылыңыз. Дәл осы әрекеттерді үй жануарларымен де істеуге болады.

Таңертең төсекті жинау

Күнді төсек жинаудан бастау стрессті азайтуға және көңіл-күйді көтеруге көмектеседі. Бұл денені ақырын оятудың және ойды ретке келтірудің тамаша тәсілі.

Сүйікті әніңізбен үй тазалау

Сүйікті әніңізді қосып шаңсорғышпен немесе сыпыртқымен үй жинаңыз. Шаңсорғышпен тазалау немесе еденді сыпыру кезінде итеру және созу қозғалыстары қолдарыңыз бен иықтарыңызды тартады, сонымен бірге сізді үйде көбірек қозғалуға көмектеседі. Бүкіл денеге жеңіл кардио жаттығулары секілді әсер береді.

Бақшада жұмыс істеу

Көгалдандыру - бұл еңкейуді, көтеруді және қолды созуды біріктіретін жан-жақты жаттығу. Өсімдіктерге күтім жасап, жерді қазып жатқанда, сіз бүкіл денеңіздің қимылдауына әсер етесіз.

Шаңды сүртіп, терезелерді жуу

Биік сөрелерден шаңды сүрту немесе терезелерді жуу және жету қиын бұрыштарға кіріп тазалау қолды созуды қажет етеді. Бұл дененің жоғарғы бөлігін белсендіреді және жету қиын жерлерге жету үшін бір нәрсені басу қажет болса, тепе-теңдікті де қажет етуі мүмкін.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!