Мысырда тележүргізуші әрі продюсер Сара Халифа дарға асу арқылы өлім жазасына кесілді. 39 жастағы әйел ірі көлемдегі есірткі тасымалына қатысты іс бойынша күдікке ілінген, - деп хабарлайды Massaget.kz тілшісі Al-Ahram басылымына сілтеме жасап.
"Орындалмайтын миссия" (Mission Impossible) криминалдық бағдарламасының 39 жастағы жүргізушісімен бірге тағы 11 адам ең ауыр жазаға тартылды..
Сот өлім жазасына кесер алдында Мысырдың бас мүфтиінің ресми діни қорытындысын алған. Бұл елде өлім жазасын тағайындау кезінде мұндай рәсім міндетті саналады.
Сот шешімі әлі түпкілікті емес, оған кассациялық сотқа шағым түсіруге болады. Сара Халифа тағылған айыпты толықтай жоққа шығарып отыр.
Қызықты жаңалықтар мен видеоларды көру үшін TikTok арнамызға жазылыңыз!