Дала өртінен үш өрт сөндіруші зардап шекті

Қарағанды және Павлодар облыстарында шыққан өрттен төрт адам зардап шекті, – деп хабарлайды Massaget.kz тілшісі.

Дала өрті 3 мың гектар аумақты шарпып, 4 адамды күйік шалған.

Айта кетейік, өрт Қарағанды облысының Қоянды ауылында құрғақ шөптің тұтануынан шыққан. 

Өртті сөндіру кезінде 3 өртсөндіруші мен 1 ауыл тұрғынын күйік шалып, зардап шеккендер Қарағандыға тікұшақпен жеткізілді.

Күндіз өрт Баянауыл ұлттық паркінің аумағына да өтті. Желтау ауылында 18 адам эвакуацияланды. Оның 8-і бала. 

Өрт орнында қазір Төтенше жағдайлар вице-министрі Ерлан Нұрпейісов жүр. Жалынды сөндіруге 56 техника мен 4 тікұшақ жұмылдырылған.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!