Бүйрекке тастар жиналмас үшін не істеу керек?
![Бүйрекке тастар жиналмас үшін не істеу керек?](/userdata/news/news_86404/image_l.jpg)
Дәрігер-терапевт, иммунолог Ирина Ярцева бүйрегіне тас жиналуға бейім адамдарға бірнеше кеңес берді, деп хабарлайды Massaget.kz тілшісі "Мәскеу 24"-ке сілтеме жасап.
Маман оларға ақуыз, кальций және тұзы бар тағамдарды аз жеуге және көбірек таза су ішуге кеңес берді.
"Бүйрек тастары тағамда кальций, ақуыз және тұз көп болған кезде пайда болады. Кальций - бұл сүт өнімдері, ал ақуыз - ет. Егер бүйрек тастарының пайда болуына бейімділік болса, онда мұндай өнімдерді мүмкіндігінше аз жеу керек", - деді Ярцева.
Дәрігер сонымен қатар көпшілік адам су ішпейтініне назар аударды.
"Бұл қауіпті, өйткені зәр шоғырланады. Егер адам жеткілікті мөлшерде су ішсе, онда бүйрек тастарының пайда болу қаупі аз болады", - деп түсіндірді сарапшы.
Бұл жағдайда тұтынылатын судың қатты кальцийленбеуі маңызды.
"Егер сіз тұратын аймақта осындай су ағатын болса, үйге сүзгі қойып, тазартылған су ішу керек. Шамадан тыс минералданған суды ішу де - бүйрек тастары дамуының кең таралған факторы", - деп қорытындылады дәрігер.
Неліктен іштің жоғарғы оң жағы ауырады: дәрігерлер 6 негізгі себебін атады
А. Жапатова