БҰҰ өкілі соғыс кезінде Украинада қаза болғандар санын айтты. БҰҰ-ның кейінгі мәліметтеріне сүйенсек, 5237 адам қаза болған. Украинада қандай жағдай болып жатыр? Massaget.kz тілшісі шолу жасады.
ЕО-да "Солтүстік ағын-1" жеткізілімдері азаяды - Газпром
Газпром жөндеу жұмыстарын жүргізуіне байланысты магистраль газ құбыры бойынша ЕО-ға газ жеткізуді күрт қысқартады. Газпром "Солтүстік ағын-1" газ құбырындағы турбинаның тоқтауы күнделікті газ өндіруді 20 пайызға дейін төмендететінін, бұл жеткізілімнің қазіргі деңгейінен екі есе төмен екенін хабарлады. Германия үкіметі газ жеткізілімін шектеудің техникалық себептері жоғын айтты. Бұл ЕО елдеріне қыс алдында газ қорын толтыруды қиындатуы мүмкін.
Ресей кімді айыптап отыр?
Ресейдің сыртқы істер министрі Сергей Лавров Зеленский үкіметі мен оның батыс одақтастарын Украинаны "Ресейдің мәңгі жауы" болуға бағытталған үгіт-насихат жүргізді деп айыптады.
"Орыс және Украина халықтары бірге өмір сүре береді. Украина халқына халыққа әрі тарихқа қарсы режимнен арылуға көмектесеміз", - деді Лавров.
Украинадан астық экспорты бірнеше күн ішінде қайта басталуы мүмкін
Украина осы аптада 22 шілдеде қол қойылған келісім аясында елдің теңіз порттарынан астық экспортын қалпына келтіруді жоспарлап отыр. Бұл туралы Украинаның инфрақұрылым министрі Александр Кубраков мәлімдеді.
Оның айтуынша, алдағы екі күн ішінде Ыстамбұлда Бірлескен үйлестіру орталығының ішкі техникалық құжаттары әзірленеді, соның арқасында жұмыс 27 шілдеде басталады.
Бидай бағасы ресейлік зымыран соққыларынан кейін күрт өсті
Ресей әскерінің Одессадағы теңіз портына жасалған зымыран соққысына байланысты бидай бағасы күрт өсті. Дүйсенбіде Чикаго сауда биржасында бидай фьючерстері бір бушель үшін 4 пайызға, яғни 7,86 долларға дейін көтеріліп, жұмада кеткен позицияны қалпына келтірді.
"Украина экспортын қалпына келтіру үшін қауіпсіз тасымалдау арналары ғана емес, қауіпсіз порттар да қажет. Ресейліктер порттардың қауіпсіздігіне күмән келтірді. Әлі де күмән бар", - деді астық трейдерлерінің бірі.
БҰҰ Украинада қаза болғандар санын атады
БҰҰ Адам құқықтары жөніндегі Жоғарғы комиссарының кейінгі мәліметтеріне сәйкес, Украинадағы қақтығыс салдарынан қаза тапқан азаматтар саны 5237 адам болған, ал жараланғандар саны 7000-нан асады.
Германия Украинаға үш Gepard танкін берді
Германия алғашқы үш Gepard артиллериялық қондырғыларын Украинаға жеткізді. Бұл туралы қорғаныс министрі Алексей Резников айтты. Оның сөзінше, Украина Германиядан осындай алғашқы 15 қондырғының жеткізілуін күтіп отыр.
"Бүгін алғашқы үш Gepard ресми түрде келді. Бұл зенит-зымыран кешендер, олар үшін бізге ондаған мың патрон берілді... Бүгін үшеуі Украинаға әкелінді. Олар Украина Қарулы Күштерінің қарамағында", - деді Резников.