Бұрқасын, көктайғақ пен тұман. Демалыс күндері ауа райы қандай болады?

Синоптиктер 7-9 қаңтарға арналған ауа райы болжамын ұсынды, - деп хабарлайды Massaget.kz тілшісі Қазгидрометке сілтеме жасап.

Метеорологтар мәліметінше, Атлант циклоны және онымен байланысты атмосфералық фронттар елдің барлық аумағында тұрақсыз ауа райын сақтап, шығысқа қарай баяу ығысады. Қазақстанның шығысында қалың қар жауады, ал оңтүстігінде жаңбыр мен қар, таулы аймақтарда қатты жауын-шашын болады.

Республиканың барлық аумағында бұрқасын, көктайғақ, батыста және оңтүстікте тұман.

"Бірақ 7 қаңтарда суық арктикалық антициклон елдің батысынан ауыса бастайды, онымен жауын-шашын біртіндеп тоқтайды және батыста, содан кейін елдің қалған бөлігінде ауа температурасы күрт төмендейді. Термометр бағандары төмендейді: батыста, елдің орталығында 20-28 градус аязға дейін, солтүстік-батыста, республиканың солтүстігінде 25-33 градус аязға дейін, шығыста 5-13 градус аязға дейін, ал елдің оңтүстігінде 0-10 градус аязға дейін", - делінген хабарламада.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!