Бүкіл Пәкістан жарықсыз қалды
![Бүкіл Пәкістан жарықсыз қалды](/userdata/news/news_77316/image_l.jpg)
Фото:
©REUTERS
Бүкіл Пәкістанда электр қуатынан ақау шықты. Бұл туралы елдің Энергетика министрлігі Twitter-де мәлімдеді, - деп хабарлайды Lenta.ru.
Жергілікті уақыт бойынша таңғы сағат 7:30 шамасында 231 миллионнан аса халқы бар елде электр қуатынан ақау шыққан.
"Алғашқы деректерге сәйкес, Ұлттық желінің жүйелік жиілігі бүгін таңертең сағат 7:34-те төмендеді. Бұл электр желісіндегі кең ауқымды ақауға әкеп соқты", - делінген хабарламада.
Ведомство мәліметінше, қалпына келтіру жұмыстары жүргізіліп жатыр. Энергетика министрлігі Исламабад пен Пешавардағы бірнеше желілік станцияда электр желісіндегі ақау қалпына келтірілгенін хабарлады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова