Бүгін Қазақстанның жеті өңірінде ауа райына байланысты ескерту жарияланды
![Бүгін Қазақстанның жеті өңірінде ауа райына байланысты ескерту жарияланды](/userdata/news/news_76003/image_l.jpg)
Қазгидромет 23 желтоқсанда бірнеше өңірде ауа райына байланысты ескерту жариялады, - деп хабарлайды Massaget.kz тілшісі.
Ақмола облысында бұрқасын болады. Оңтүстік-батыстан жел соғып екпіні 15-20 м/с-ге жетеді.
Батыс Қазақстан облысының солтүстігінде, батысында көктайғақ болады. Жел оңтүстік-батыстан, оңтүстіктен соғады, күндіз облыстың солтүстігінде, екпіні 15-20 м/с жетеді.
Түркістан облысының оңтүстігінде, тау бөктерлі аудандарында тұман түседі. Шығыстан жел соғады, күндіз тау асуларында күші 15-20 м/с.
Павлодар облысының солтүстік-батысында бұрқасын күтіледі. Оңтүстіктен жел соғады, күндіз облыстың солтүстік-батысында жел 15-20 м/с жылдамдықпен соғады.
Қостанай облысының батысында, солтүстігінде бұрқасын күтіледі. Оңтүстік-батыстан жел соғады, облыстың батысында, солтүстігінде 15-20, екпіні 25 м/с. Қостанай қаласында таңертең және күндіз бұрқасын күтіледі. Оңтүстік-батыстан жел соғады, екпіні 15-20 м/с.
Солтүстік Қазақстан облысының басым бөлігінде қар жауады. Түнде облыстың батысында, күндіз облыстың басым бөлігінде бұрқасын күтіледі. Оңтүстік-батыстан жел соғады, күші 15-20, екпіні 23-28 м/с.
Астана қаласында бұрқасын соғады. Оңтүстік-батыстан соққан желдің жылдамдығы 15-20 м/с жетеді.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Г. Досымшалова