БТА банкі Франция сотының Әблязовқа қатысты шешіміне түсінік берді
![БТА банкі Франция сотының Әблязовқа қатысты шешіміне түсінік берді](/userdata/news/news_84026/image_l.png)
БТА банкі Франция сотының қазақстандық олигарх Мұхтар Әблязовке қатысты іс бойынша істі қайта бастау туралы шешіміне түсінік берді, - деп хабарлайды Massaget.kz тілшісі.
"БТА Банкі 2023 жылғы 23 мамырда Франция Кассациялық соты БТА Банкінің апелляциясы бойынша Әблязовқа қатысты қылмыстық іс бойынша қылмыстық істі қарау қудалау мерзімінің аяқталмағандығы туралы шешім шығарғандығын хабарлайды.
Осыған орай, Францияның жоғары соты БТА Банкіне қатысты Әблязовпен жасалған алаяқтық және ақшаны жымқыру фактілері бойынша қылмыстық тергеудің Францияның тергеу сотымен жалғасатындығын растады.
БТА Банкі Франция сотының шешімін қолдай отырып, сотпен істің тез арада және сәтті қаралатындығына сенеді", - деп хабарлады банктің баспасөз қызметі.
Еске салайық, Францияның кассациялық соты апелляциялық соттың Қазақстанның "Тұран Әлем банкінің" (БТА банк) бұрынғы басшысы Мұхтар Әблязовке қатысты сот ісін тоқтату туралы шешімін бұзды.
2017 жылы Алматы соты Мұхтар Әблязовті 20 жылға бас бостандығынан айырған. Әблязовқа Қылмыстық кодекстің "Қылмыс жасау мақсатында қылмыстық қоғамдастық құру және басқару", "Басқалардың сеніп тапсырылған бөтеннің мүлкін иемдену немесе ысырап ету", "Сеніп тапсырылған бөтен мүлікті иемденіп алу немесе ысырап ету", "Қылмыстық жолмен алынған ақшаны және (немесе) өзге де мүлікті заңдастыру (жылыстату)", "Банк қаражатын заңсыз пайдалану", "Билікті асыра пайдалану" сияқты алты бабы бойынша қылмыс жасады деген айып тағылды.
Сол жылы Қазақстанның сот органдары Францияның Әділет министрлігіне Әблязовке қатысты іс бойынша мәліметтерді тапсырды. Экс-банкирді елге экстрадициялаудан бас тартылды, сондықтан сот ісі Францияда өтуін талап етті.
2018 жылдың қарашасында Жамбыл облыстық мамандандырылған ауданаралық соты Әблязовті банктің бұрынғы төрағасы Ержан Тәтішевті өлтіруге тапсырыс берді деген айыппен өмір бойына сырттай соттады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан