Ақмола облысында 450 адамға несие рәсімдеген ҰҚТ құрықталды, - деп хабарлайды Massaget.kz тілшісі.
2024 жылы қарашада алаяқтық дерегімен қылмыстық іс қозғалып, тергеп-тексеру Ақмола облысы прокуратурасының арнайы прокурорларына жүктелген.
Соталды тергеп-тексеру барысында ұйымдасқан қылмыстық топ анықталып, оның мүшелері алдау жолымен екінші деңгейлі банктерден ақша жымқырғаны әшкерленген.
"Топ мүшелерінің рөлдері, міндеттері және әрекеттері нақты бөлінген. Алаяқтар 450 адамға 5 млрд теңге шамасында заңсыз несие рәсімдеген", - деп жазылған хабарламада.
Еліміздің бірнеше өңірінің тұрғындары алаяқтардың құрбаны болған.
Қазір қылмыстық іс бойынша 24 адам күдікті деп танылып, оның 15-і сот санкциясымен қамауға алынды. Тергеп-тексеру жалғасып жатыр.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова