Қазақстанның бірқатар облысында қалың тұман мен көктайғақ салдарынан автожол учаскелері жабылды, - деп хабарлайды Massaget.kz тілшісі.
Алматы облысында ауа райының бұзылуына байланысты РФ шекарасы - Мәртөк - Ақтөбе - Қарабұтақ - Қызылорда - Шымкент - Тараз - Қордай - Алматы - Қорғас - ҚХР шекарасы автожолының 59-143 шақырым аралығындағы учаскесінде (Жаңақұрылыс ауылынан Жамбыл облысының шекарасына дейін) көліктің барлық түрінің қозғалысына шектеу қойылады. Жолды 2025 жылғы 4 ақпан сағат 09:00-де ашу жоспарланған.
Жамбыл облысында Меркі - Шу - Бұрылбайтал автожолының 166-268 шақырым аралығындағы учаскесінде (Биназар ауылынан Бұрылбайтал ауылына дейін) көліктің барлық түрінің қозғалысына шектеу қойылады. Жолды 2025 жылғы 4 ақпан сағат 09:00-де ашу жоспарланған.
Ақмола облысында Астана - Ерейментау - Шідерті автожолының 16-200 шақырым аралығындағы учаскесі (Астана қаласынан Павлодар облысының шекарасына дейін).
Павлодар облысында Астана - Ерейментау - Шідерті автожолының 200-254 шақырым аралығындағы учаскесі (Ақмола облысының шекарасынан Шідерті ауылына дейін). Жолды 2025 жылғы 4 ақпан сағат 00:00-де ашу жоспарланған.
Жетісу облысында ауа райының бұзылуына байланысты Үшарал - Достық автожолының 84-164 шақырым аралығындағы учаскесінде (Көктума ауылынан Достық стансасына дейін) көліктің барлық түрінің қозғалысына шектеу қойылады.
Өзекті жаңалықтарды өз уақытында оқу үшін Facebook парақшамызға жазылыңыз!
А. Жапатова