Бразилия «ЭКСПО-2017» көрмесіне қатысады

Бразилия «ЭКСПО-2017» халықаралық мамандандырылған көрмесіне қатысатынын ресми растады,- деп хабарлады pm.kz.

Астана көрмесінде оңтүстікамерикалық елді Бразилияның Энергетика және тау-кен өндіру өнеркәсібі министрлігінің бразилиялық «Итайпу Бинасионал» компаниясы көрсететін болады.

Бразилияның жаңартылған энергия көздерін пайдалану мен өндіруде тәжірибесі мол. Бұл елде тұтынылатын 45 пайыз энергия, 18 пайыз отын жаңартылған болып табылады.

 «Таяу күндері күшіне енетін азаматтардың өзара визасыз сапары туралы Қазақстан мен Бразилия арасындағы 2016 жылғы 25 шілдеде қол қойылған  Келісім ынтымақтастықтың негізгі бағыттары бойынша екіжақты қатынастарды одан әрі нығайтуға және ЭКСПО көрмесіне Латын Американың ең халқы көп елінен келушілерді тартуға ықпал етеді», - деп хабарлады ҚР СІМ.

Дереккөз: inform.kz