"Бір пайыз ғана үміт бар". Құрманай Бақтиярқызы отадан кейінгі жағдайын айтты
!["Бір пайыз ғана үміт бар". Құрманай Бақтиярқызы отадан кейінгі жағдайын айтты](/userdata/news/news_106927/image_l.png)
Белгілі сазгер, ақын Құрманай Бақтиярқызы инстаграм-парақшасында өзінің қазіргі жағдайы жайлы жазып, оқырмандарына алғысын білдірді, - деп хабарлайды Massaget.kz тілшісі.
Ол осыдан біраз уақыт бұрын денсаулығы сыр беріп, аурухананың жан сақтау бөліміне түсіп қалған еді.
"Жоспарланған операция. Бес жерден тесіп жақсы өткен. Асқазан ауырып жүргеніне екі жыл болды. Барлық анализдер жақсы шығып, отадан соң тұрып үйге қайтқанмын. "Ішек спайка болған тілу керек, әйтпесе болмайды" деді. Ары қарай білмеймін. Комаға түсіп, өң мен түстің ортасында Димаш Құдайбергенмен әлемдік концерттерде жүрдім. Иә, анық көрінеді. Жиырма күнге жуық ес-түссіз жатқанымды көрген достар бәріне дайын тұрды. Алланың қалауы ғой, "99/1 пайыз ғана үміт бар, дайын болыңыздар" деген екен.
Бұл тақырыпты осы жазбамен жабамын. Жаман күндер артта қалды. Бір дертке шипа іздегенімде Алла ауыр көтере алатын сынақ беріп, он дертімнен айықтырды. Ішекті бірнеше рет жуғызды, асқазанның жарасын да артығын да кесті. Қан да тазарды, ұйқы бездер орнына келді. Қан қысымы мүлде жоғалды. Әр қиындықтың артында Һайырлы үлкен жеңілдігімен қуаныштары бар деп тегін айтпаған..
Өзіме емес, көзіме, құнды сөзіме мән бер, халқым. Мен сіздермен сондай бақыттымын", - деп жазды Құрманай Бақтиярқызы.
А. ЖапатоваПосмотреть эту публикацию в Instagram