Бір өңірде ішімдік сатушылар жазаланып жатыр

Павлодар облысында алкоголь сатушылар жауапқа тартылды, - деп хабарлайды Massaget.kz тілшісі.

Өңір полициясы алкоголь өнімдерін заңсыз сатудың алты дерегін анықтап, олардың жолын кесті. Бұл құқықбұзушылықтардың көпшілігі белгіленген заң нормаларын елемеуден туындаған.

• Павлодар қаласының Лермонтов және М.Горький көшелеріндегі дүкендерде сатушылар алкоголь өнімдерін заңда көрсетілген уақыттан тыс сатқан.
• Екібастұз қаласының Марғұлан көшесіндегі дүкенде де дәл осындай жағдай тіркелді.
• Ақсу қаласында түнгі уақытта бір дүкенде сатушы ер адамға 40% градустық алкоголь өнімін сатса, тағы бір оқиғада 21 жасқа толмаған қызға алкоголь сатқан.

Бұл оқиғалар сатушылардың заң талаптарын өрескел бұзғанын көрсетеді.

"Алкоголь өнімін белгіленбеген уақытта және 21 жасқа толмаған тұлғаларға сатқан дүкен иелері жауапқа тартылды. Бұл істердің материалдары сотқа жолданды, ал сот органдары құқықбұзушыларға қолданылатын жазаны заң аясында шешеді", - дейді Павлодар облыстық полиция департаменті өкілі.

Статистикалық мәліметтерге сүйенсек, тек 2024 жылдың өзінде полиция осындай 1564 құқықбұзушылықтың жолын кескен. Ал жаңа жылдың басынан бері алты дерек тіркеліп отыр. 

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!