Бір жыныстылардың тойы: бірі "Қазақстан министрінің ұлы" екені рас па?
Қазнетте бір жынысты адамдардың үйлену тойының видеосы тарады. Онда некеге тұрғандардың бірі "Қазақстан министрінің ұлы" екені жазылған. Бұл жалған. Видеоның Қазақстанға қатысы жоқ, - деп хабарлайды Stopfake.kz.
Бұл видео Желіде биыл қарашаның басында шыққан. Оны Сирия мен Ливандағы Желі қолданушылары таратқан. Түпнұсқа видеода қазақ тілінде емес, араб тілінде ән шырқалады.
Посмотреть эту публикацию в Instagram
Ливан жаңалықтар порталдары мәліметінше, үйленіп жатқан адам - сол елдің тумасы. Екінші некеге тұрған адам кім екені белгісіз. Оның түрі видеода да көрсетілмейді.
Сондай-ақ, жазуға назар аударған жөн. Қазақстанда "Қазақстан министрі" деген лауазым жоқ. ҚР Үкіметінің құрамына әртүрлі министрліктердің 19 министрі және бір премьер-министр кіреді.
Осылайша, бір жынысты адамдардың үйлену тойынан тараған видеоның Қазақстанға қандай да бір қатысы бар деуге ешқандай негіз жоқ. Алдымен ливандық қолданушылар жариялаған, ал ерлі-зайыптының нақты кім екені немесе ұлты белгісіз.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова