Бір жылда азық-түлік бағасы қаншалықты өсті?

Елімізде азық-түліктің көтерме бағасы орта есеппен 5%-ға өсті. Бағаның ең көп қымбаттағаны – жергілікті өнімдер, импорттық тауарларға қарағанда. Әсіресе, Шымкент, Қарағанды және Жамбыл облыстарында азық-түлік бағасының орташа құны айтарлықтай өскен, - деп хабарлайды Otyrar.kz басылымына сілтеме жасаған Massaget.kz тілшісі.

Жыл ішінде жаңа піскен көкөністердің бағасы үштен бір есеге көтерілді, оның ішінде әсіресе картоп қымбаттады. Жеміс-жидек бағасы шамамен 4%-ға артты, олардың бағасы көбіне маусымға байланысты өзгереді. Какао 14%-ға, жаңғақтар 10%-ға, ал тұз бен кофе де шамалас мөлшерде қымбаттады. Қанттың бағасы 5%-ға өскен. Ет пен ет өнімдерінің бағасы 3%-дың төңірегінде көтерілген.

Шымкент базарларында картоптың келісі қазір 350 теңге, былтыр ол 100 теңгеге арзан болған. Сондай-ақ пияздың да бағасы 100 теңгеге, ал сәбіздің құны 50 теңгеге өсті. Бұл өзгерістердің негізгі себебі – тасымалдау шығындарының артуы.

"Бір жылда картоптың бағасы 100 теңгеге, сәбіз бен пияз 50 теңгеге қымбаттады. Көтерме саудагерлер Павлодардағы көкөніс қоймаларының бағасы қымбаттағанын, сонымен қатар тасымал шығындарының өскенін айтады. Жыл басынан бері тағы да бағаны көтерді", - деді сатушы Сабыржан Бектаев. 

Еттің бағасы күрт өсті. Соңғы айда сиыр етінің келісі 2600 теңгеден 3000 теңгеге дейін жетті.

"Ет шетелге экспортталады, ал бізге дәл сол бағамен сатады. Біз өз бағамызды қосқанда, 3 мың теңге болып шығады. Баға шамамен 400 теңгеге қымбаттады",-деді ет сатушы Вагиф Алиев. 

Доллар бағамының өсуі импорттық тауарларға ғана емес, отандық өнімдерге де әсер етеді. Әсіресе, ауыл шаруашылығында, онда өндіріс құны көбіне импорттық құрамдас бөліктерге тәуелді. Сарапшылар аграрлық ғылымды дамыту қажет деп санайды: заманауи технологияларды енгізу, отандық сапалы тұқым сорттарын шығару, егіншілік пен мал шаруашылығының тиімділігін арттыру маңызды.

Instagram парақшамызға жазылып, ең қызықты ақпараттарды бірінші болып оқыңыз!