Бір апаттан аман қалған такси жүргізушісін екінші көлік қағып өлтірді
![Бір апаттан аман қалған такси жүргізушісін екінші көлік қағып өлтірді](/userdata/news/news_77290/image_l.jpg)
Павлодар облысындағы Павлодар-Қарағанды тасжолында жол талғамайтын көлік апатқа ұшырады, - деп хабарлайды Massaget.kz тілшісі.
Үрейлі апат 22 қаңтарда кешкі уақытта болған, оның видеосы жарияланды. Кадрларда төңкерілген көліктің маңында бірнеше адам тұрғанын көруге болады. Осы кезде оларды асқан жылдамдықпен жол талғамайтын көлік қағып кетеді. Соқтығысу салдарынан бір адам қаза тауып, тағы үшеуі ауруханаға жеткізілді.
Посмотреть эту публикацию в Instagram
"Яндекс.Такси" сервисінің жүргізушісі қаза тапқан адам болып шықты. Куәгерлердің айтуынша, оқиға болардан бірнеше минут бұрын такси жүргізушісі көлігі бұзылуына байланысты жолда дереу тоқтаған, содан кейін оны жол талғамайтын көлік соғып, такси жүргізушісі жолға құлаған.
"Соқтығысқаннан кейін жүргізушілер мен жолаушылар көліктерден шығып кетті. Бірінші апаттан кейін такси жүргізушісі аман қалды, ол көмектесіп жүрді, көліктерді тоқтатып жатты, төңкерілген көлікке соғылып қалмауын ескертті. Осы кезде джип қағып өтіп, оны өлтірді. Біз көлікте отырып, адамдардың жан-жаққа ұшқанын көрдік", - деді оқиға куәгерлері.
Үш адам Екібастұз қалалық ауруханасына жеткізілді. Олардың жағдайы туралы әлі хабарланған жоқ.
Бұл ақпаратқа қатысты полиция өкілдері жауап берді. 22 қаңтарда сағат шамамен 18:00-де Павлодар - Қызылорда автожолының 1293-шақырымында үш көлік: ВАЗ 2110, Toyota Camry, Mercedes-Benz GL 450 маркалы көліктері жол апатына түскен.
Бір адам 25 жастағы ВАЗ 2110 көлігінің жүргізушісі оқиға орнында алған жарақаттарынан қайтыс болған. Тағы төрт адам зардап шекті. Олардың бірі кәмелетке толмаған адам. Әртүрлі жарақаттармен ауруханаға жатқызылды.
Көлік құралдары мамандандырылған тұраққа қойылды. Бұл дерек бойынша тексеру жүргізіледі. Бірқатар сараптама тағайындалған.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
А. Құлтай