Босанғаннан кейін күйзеліске түскен: Павлодарда әйел құтқарылды

Павлодарда 9-қабаттан секіргісі келген әйелді полицейлер құтқарып қалды, - деп хабарлайды Massaget.kz тілшісі.

11 шілдеде сағат 13.30 шамасында Естай көшесіндегі 101/2 үйдің терезесінен әйел секіргісі келіп тұрғаны туралы хабар түскен. Учаскелік полиция инспекторлары Әсет Құрманғалиев пен Ільяс Қамерден ойланбастан сол үйге қарай жүгірді.

"Терезеде әйел тұрғанын байқадым. Төменнен тұрғындар оған "ойлан" деп айқайлап жатты. Уақытты жоғалтпай, әйелді қорқытып алмау үшін баспалдақпен 9-қабатқа көтерілдік, онымен сөйлесе бастадық, аты кім екенін, қайдан екенін, не болғанын сұрадық. Ол сұрақтарға жауап беріп жатқанда, біз жақынырақ бардық, одан бізге қарауын өтіндік. Ол еңкейіп, бізге қарады. Мен оның маған қолын беруін өтіндім, ол қолын созды, біз оны кіреберіске апардық. Төмен түсіп, бізді ұстап тұрып, әйел өзін "жаман анамын, ешқашан жақсы болмайды" деді. Төменге түскен соң біз оны тыныштандырдық, бәрі жақсы болады деп айта бастадық, оны жақсы көретін және әрқашан қолдайтын туыстары үйде күтіп отырғанын айттық. Әңгіме барысында оның бір баласы бар екені анықталды", - деді Әсет Құрманғалиев.

Ведомство мәліметінше, мұндай әрекеттің себебі босанғаннан кейінгі күйзеліс екен. Полиция әйелді медицина мамандарына тапсырды. 

Өзекті жаңалықтарды өз уақытында оқу үшін Facebook парақшамызға жазылыңыз!