Боранбаевтың 35 миллиард теңгелік мұнай компаниясы толығымен мемлекет меншігіне өтті
![Боранбаевтың 35 миллиард теңгелік мұнай компаниясы толығымен мемлекет меншігіне өтті](/userdata/news/news_113135/image_l.jpg)
Назарбаевтың бұрынғы құдасы Қайрат Боранбаевқа тиесілі мұнай компаниясы толығымен мемлекет меншігіне өтті. Бұл туралы акционерлер тізілімінен алынған үзіндіден белгілі болды, - деп хабарлайды Massaget.kz тілшісі.
"Phystech II АҚ-ның 18 500 000 қарапайым акциясы бар, оның 13 749 100-і қор биржасына орналастырылған. Компанияның жалғыз акционері және компанияның орналастырылған акцияларының жалпы санынан бес және одан да көп пайыз акцияларға иелік ететін жалғыз тұлға - Қазақстан Республикасы Қаржы министрлігінің Мемлекеттік мүлік және жекешелендіру комитеті", - делінген құжатта.
Lada.kz мәліметінше, Компания Маңғыстау облысындағы Солтүстік Қаражанбас кен орнында мұнай өндіреді және оның құны шамамен 35,5 миллиард теңгеге бағаланады. Бұған дейін бұл компания былтыр "Қаражанбас Северный" кен орнын, "Азия Газ Чунджа" газ таратушы компаниясын және "ҚазТурбоРемонт сервис орталығы" ЖШС-ін мемлекет меншігіне өткізген Қайрат Боранбаевқа тиесілі болатын.
Еске салайық, бұдан екі жыл бұрын Phystech II АҚ қызметкерлері жалақыны 100 пайызға көтеруді талап еткен үндеу түсірген болатын. Бүкіл ауысым түні бойы дала сыртындағы киіз үйде өтті.
Phystech II АҚ басшылығы еңбек заңнамасы аясында жалақыны көтеру үшін қызметкерлермен бірнеше рет келіссөз жүргізуге әрекеттенгенін айтты. Бірақ ол сәтсіз болды.
Компания қызметкерлері құқық қорғау органдарына шағымданды. Содан кейін қызметкерлер ереуілшілерден киіз үйді тартып алды. Компания жұмысшыларының ереуілі сегізінші күнге созылғанда ереуіл заңсыз өткізілген болып танылды.
Қызықты жаңалықтар мен видеоларды көру үшін TikTok арнамызға жазылыңыз!
С. Бөлек