“Болашақ“ орталығы Калифорнияда оқып жүрген қазақстандықтарға үндеу жасады

"Болашақ" халықаралық бағдарламалар орталығы Калифорнияда білім алып жатқан стипендиаттарға үндеу жасады, - деп хабарлайды Massaget.kz тілшісі.

Бұл туралы орталықтың баспасөз қызметі ресми мәлімдеме жасады.

"Халықаралық бағдарламалар орталығы" АҚ Калифорния штатында болып жатқан орман өрттеріне байланысты жағдайды мұқият бақылап отырғанын мәлімдеді.

Қазіргі таңда Калифорния штатында 73 стипендиат білім алып жатыр, оның ішінде 56-сы - "Болашақ" бағдарламасының, ал 17-сі - ғылыми тағылымдама бағдарламасының стипендиаттары. Барлығы аман-есен, кураторлармен байланыста.

"Стипендиаттар жергілікті билік органдарының ұсыныстарын орындап, жағдай туралы бізге жедел түрде хабарлап отырады. Біз университеттермен тұрақты байланыстамыз және кез келген өзгеріске жылдам әрекет етуге дайынбыз", - деп хабарлады "Халықаралық бағдарламалар орталығы" АҚ баспасөз қызметі.

Орталық барлық стипендиатқа қауіпсіздік шараларын қатаң сақтауды ескертті.

Қазақстандықтар төтенше жағдай кезінде Сан-Францискодағы Қазақстан Республикасының Консулдығына хабарласа алады:

Мекенжай: 456 Montgomery St., Suite 950 & GC-5, San Francisco, CA, 94104.

Байланыс телефондары: +1(650) 741-8894.

Электрондық пошта: sanfrancisco@mfa.kz.

Instagram парақшамызға жазылып, ең қызықты ақпараттарды бірінші болып оқыңыз!