Боксшы Назым Қызайбай үлкен сахнада ән шырқады

Париж Олимпиадасының қола жүлдегері Назым Қызайбай "Маска" шоуында сахнада ән айтты, - деп хабарлайды Massaget.kz тілшісі.

Боксшы қыз бағдарламада сайғақ кейпінде сахнаға шығып, қазақстандықтар арасында хит болған "Көк жигули" әнін айтты.

"Маска" шоуының талабы бойынша орындаушы бір кейіпкердің образында киініп, ән орындайды. Қазылар оның кім екенін дауысынан тануы керек.

Спортшы жобада сайғақ кейпінде сахнаға шығып, "Көк жигули" әнін орындады. Ал жоба сарапшылары әнді орындаған Елдос Сметов деп ойлады. Алайда әлеуметтік желі қолданушылары әнді орындаған Назым Қызайбай екенін бірден аңғарғанын жазып жатыр.

"Назым екенін бірден білдім", "Қалайша даусын білмей отыр", "Назым тамаша орындап шықты", - деп пікір қалдырған желі қолданушылары.

Еске салайық, Париж Олимпиадасының қола жүлдегері, екі дүркін әлем чемпионы Назым Қызайбай жақында үзілістен кейін залға оралғанын мәлімдеген болатын. 

Қызықты жаңалықтар мен видеоларды көру үшін TikTok арнамызға жазылыңыз!