БҚО-да үсік шалған төрт адам қаза тапты

Батыс Қазақстан облысында үсік шалған төрт адам қаза тапты, - деп хабарлайды Massaget.kz тілшісі.

Өңірлік Полиция департаменті мәліметінше, Жәнібек ауданы аумағында күн бұзылуына байланысты трактор жүргізушісі мен жолаушысын іздестіру жұмыстары ұйымдастырылған.

Олар жолда адасып, байланыссыз қалған. Іздеу нәтижесінде жоғалған адамдар табылып, Жәнібек ауылына жеткізілген.

Сонымен қатар, іздестіру нәтижесінде төрт адамның сүйегі табылған:

• Жәнібек ауданында 1968 жылы және 1966 жылы туған екі адамның сүйегі табылған (үсіп қалған);
• Бөкей ордасы ауданында 2000 жылы туған адамның сүйегі табылған (үсіп қалған);
• Қазталов ауданында 1990 жылы туған адамның сүйегі табылған (үсіп қалған).

Өзекті жаңалықтарды өз уақытында оқу үшін Facebook парақшамызға жазылыңыз!