БҚО-да жұмбақ жағдайда жоғалып кеткен 18 жастағы студент өлі табылды
![БҚО-да жұмбақ жағдайда жоғалып кеткен 18 жастағы студент өлі табылды](/userdata/news/news_71041/image_l.jpg)
Батыс Қазақстан облысы Ақжайық ауданы Базаршолан ауылында жоғалып кеткен 18 жастағы Ерасыл Төлеуғалидың денесі Жайық өзенінен табылды, - деп хабарлайды Massaget.kz тілшісі "Мой ГОРОД" басылымына сілтеме жасап.
"25 тамызда Ерасыл Төлеуғалидің денесін сүңгуірлер Жайық өзенінен тапты. Ол суға киіммен түскен", - делінген хабарламада.
Еске салайық, колледждің 3-курс студенті Ерасыл Төлеуғали демалыс кезінде Ақжайық ауданындағы туыстарына барып, үй шаруасына көмектесуді ұйғарған. Студент жігіт Базаршолан ауылының жанындағы Қыдырбай қыстауында болған. Алайда 21 тамызда қыстаудағы шөп өртеніп, Ерасыл туыстарымен бірге малды алысырақ айдауға алып шыққан. Артынан інілерін үйге қайтарған ол сол күйі қайтып келмеген.
Жігіт 25 тамызда Оралға оралуы керек болған.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Г. Досымшалова