БҚО-да боран кезінде ер адам жоғалып кеткен
![БҚО-да боран кезінде ер адам жоғалып кеткен](/userdata/news/news_95335/image_l.png)
Фото:
БҚО ТЖМ
Батыс Қазақстан облысында боранда жоғалып кеткен ер адам іздестіріліп жатыр, - деп хабарлайды Massaget.kz тілшісі облыстың төтенше жағдайлар қызметіне сілтеме жасап.
22 қарашада сағат 20:37-де бөлімге Теректі ауданы, Ақжайық ауылында 1961 жылы туған ер адамның із-түзсіз жоғалып кеткені туралы хабарлама келіп түскен. Сағат 10:00-де ол жұмыстан шығып, үйіне оралмаған.
"23 қарашада сағат 13:00-де құтқарушылар іздеуге Eurocopter ұшағымен ұшып шықты. Барлығы үш экипаж мүшесі, 25 адам және тоғыз техника жұмылдырылған", - деп түсіндірді департамент.
22 қарашада Батыс Қазақстанда қолайсызмауа райына байланысты ескерту жарияланды. Сонымен қатар, жолдар жабылды.
Қызықты жаңалықтар мен видеоларды көру үшін TikTok арнамызға жазылыңыз!
С. Бөлек