Павлодар облысы прокуратурасының үйлестіруімен Ресейдің Красноярск өлкесінің Шарыпово қаласында Қазақстан азаматы ұсталды, - деп хабарлайды Massaget.kz тілшісі.
Ол бизнестегі серіктесін өлтіргені үшін күдікті деп танылған.
Прокуратура күдіктіні Қазақстан Республикасына экстрадициялау үшін жұмыс істеп жатыр.
Айта кетейік, бұл оқиға биыл ақпанда болды. Полиция қызметкерлері жедел іздестіру кезінде Павлодар қаласындағы үйлердің бірінің ауласынан кәсіпкердің мәйітін тапты.
Кісі өлтіру дерегі бойынша ҚР Қылмыстық кодексінің 99-бабы бойынша алдын ала тергеу басталды.
Бұл қылмыс үшін 15 жылға дейін бас бостандығынан айыру жазасы қарастырылған.
Аптаның басты оқиғалары мен пайдалы видеоларды көру үшін YouTube арнамызға жазылыңыз