2025 жылы ел азаматтарына 746 млрд теңгеге жуық көлемде мүгедектігі және асыраушысынан айырылу бойынша жәрдемақы мен әлеуметтік төлем төленді. Бұл туралы Еңбек және халықты әлеуметтік қорғау министрлігі мәлімдеді, - деп хабарлайды Massaget.kz тілшісі.
Қанша адам көмек алды?
2025 жылғы қорытындыға сәйкес мүгедектігі бойынша жәрдемақы алушылар саны - шамамен 553,9 мың адам, асыраушысынан айырылу жағдайы бойынша жәрдемақы алушылар саны - шамамен 191,9 мың адам.
Көмектің мөлшері
Биыл мүгедектігі барларға төленетін әлеуметтік жәрдемақы мөлшері мынадай:
- 1-топ үшін 111 872 теңге;
- 2-топ үшін 89 498 теңге;
- 3-топ үшін 61 021 теңге.
Еңбекке қабілетінен айырылғандарға әлеуметтік төлемнің орташа мөлшері - 72 409 теңге, асыраушысынан айырылуы бойынша әлеуметтік төлем мөлшері - 73 306 теңге.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова