Бишімбаевтың бұрынғы әйелі оны әке құқығынан айырмақ

Әйелін аса қатыгездікпен ұрып өлтіргені үшін 24 жылға сотталған Қуандық Бишімбаевтың бұрынғы жары Назым Қаһарман экс-министрді әке құқығынан айырмақ, - деп хабарлайды Massaget.kz тілшісі.

Ол бұл туралы әлеуметтік желідегі парақшасында айтты.

"Әр қағазға қол қойдыруға аса қауіпті қылмыскерлер отырған түрмеге бармау және одан қандай да бір келісім алмау үшін, оның келісімінсіз балалардың ешқайсысы жаттықтырушымен бірге турнирге немесе мұғаліммен бірге олимпиадаға бара алмайды.

Ең алдымен, заңда отбасы мүшесіне қатысты осындай қылмыс жасағаны үшін сотталғандардың ата-ана құқығынан айырылатындығы көрсетілген. Мұның себебі бар. Мұндай адамдар балалар үшін шешім қабылдамауы керек.

Біздің жағдайда, тіпті кедергі жасамауы қажет. Бізде екінші ата-ананың келісімі болмағандықтан ғана балалар әлі күнге дейін оның тегін алып жүр. Алғашқы күндерден бастап кез келген қалыпты ата-ана рұқсат берер еді, бірақ балалар бір жылға жуық уақыт бойы оның тегімен жүруге және өздеріне деген қоғамның теріс назарына шыдауға тура келді", - деп жазды ол.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!