Биік үйде тұратын алматылықтар жер сілкінісі кезінде білуі керек 10 ереже

ТЖМ биік үйлерде тұратын алматылықтар білуі тиіс 10 қарапайым ережені есте сақтауды ұсынады, - деп хабарлайды Massaget.kz тілшісі.

1. Дүрбелеңге түспеңіз, сабыр сақтаңыз;
2. Жер асты дүмпулері кезінде лифт пен баспалдақты пайдаланбаңыз, жер сілкініп жатқан уақыт өткенше үйде күтіңіз;
3. Жиһаздан, терезелерден, люстрадан алыстаңыз;
4. Жасырынатын орын табыңыз (жүк көтергіш/капитал/ішкі қабырғалардың бұрышы);
5. Ғимараттан шығыңыз (көп қабатты үйлерде – жерасты дүмпулері тоқтағаннан кейін);
6. Суды, газды, электр қуатын өшіріңіз;
7. Алдын-ала дайындалған "дабыл чемоданын" алыңыз;
8. Ғимараттан эвакуациялау кезінде электр желілерінен, ғимараттардан, ағаштардан аулақ болыңыз;
9. Жер сілкінісінің қайталануы мүмкін екеніне дайын болыңыз;
10. Балаларға, қарттарға, мүмкіндігі шектеулі жандарға көмек көрсетіңіз.

Еске салайық, бүгін сағат 10:14-те Алматыда 3 балдық жер сілкінісі тіркелген болатын. 

Қызықты жаңалықтар мен видеоларды көру үшін TikTok арнамызға жазылыңыз!